අපි අව්කන සහ රැස් වෙහෙර වැන්දෙමු 11 කොටස

නාමල් උයන සංචාරයෙන් පසු අපි ගියේ සුප්‍රසිද්ධ අව්කන බුදු පිළිම වහන්සේ වඳින්න.මිට කලින් දෙතං වතාවක්ම අව්කන පිළිම වහන්සේගේ චමත්කාර ජනක බව දුටුවත් මෙවර අපි දුටුවේ පිළිම වහන්සේ ඇලුමිනියම් බට ගොඩකින් වට කර ඇති බවයි.එහෙම කරලා තියෙන්නේ පිළිම වහන්සේට ආවරණයක් සැදීමේ කටයුතු අරඹා ඇති නිසයි.විශාල කණු 4ක් දැනටමත් ගොඩනගල ඒ කනු ටික පාඩම කරගෙන තමා නව ආවරණය තැනෙන්නෙ.ඊට පස්සේ වටේට තියෙන බට ටික ගලවලා දමන බවයි අප දැන  ගත්තෙ. එක යාලුවෙක් කිව්වා කොම්පියුටරයෙන් මේ බට ටික අයින් කරලා පිළිම වහන්සේ විතරක් පෙන්නන්න පුළුවන්. ඒක කරන්න නම්  මගේ කොම්පුටරයේ photo shop තියෙන්න ඕනෑ. මම දන්න photo  shop? මේකත් සින්හලෙන් කොටා ගන්නෙ කොයි තරම් නම් අමාරුවෙන්ද කියල දන්නෙ මම විතරයි.   

මේ අව්කන වන්දනා කරලා ආපසු එන අපේ මිතුරන්ගෙන් කොටසක් 

අපි දිවා ආහාරය ගත්තේ කළා වැවේ වැව් බැම්මේ ඉඳන්.

දිවා ආහාරයට පෙර බස්රියේ එනගමන්ම සංගිතයකුත් තිබුනා.සින්දු වතුර ටිකක් එහෙමත් පාවිච්චි නොවූනාම නොවේ. 

ලස්සන වැවේ ෆොටෝ එකක් තමයි මේ තියෙන්නෙ.

දිවා ආහාර විවේකයෙන් පසු අපි ගියේ රැස් වෙහෙර වඳින්න.මේ පිළිම වහන්සේ අව්කන පිළිම වහන්සේ තරම් කලාත්මක නොවන බව අපිට අසන්නට ලැබුනා. අව්කන පිළිම වහන්සේ සහ රැස් වෙහෙර පිළිම වහන්සේ අතර සම්බන්ධයක් තියෙන ජනකතා දෙකක් තියෙනවා.එක කතාවකින් කියවෙන්නෙ පළමුව රැස් වෙහෙර නිර්මාණය කල බවත් එය නිර්මාණය කර සිටිමින් සිටින විට එම පාෂාණය ගුනාත්මක බවින් අඩු නිසා එම පිලිමා නෙලීම නවතා හොඳ පාෂාණයක් තිබුන අව්කන පිළිම වහන්සේ නෙළු බවයි. 

දෙවෙනි කතාවෙන් කියවෙන්නෙ පිලිම දෙනම  නෙලීම ගැන ගුරුන්නාන්සේ සහ ගෝලයා අතර තරඟයක් තිබුන බවත් ගුරුන්නාන්සේ රැස් වෙහෙර පිළිමය නෙළු අතර ගෝලයා අව්කන පිළිමය නෙළු බවයි. ගෝලයාගේ නිර්මාණය තම නිර්මානයට වටා හොඳින් නිමවන බව දුටු ගුරුන්නාන්සේ බාගෙට නිම වෙමින් තිබුන තම පිළිමයේ ඉතුරු කොටස නිර්මාණය නොකරම සියදිවි නසා ගත් බවය.මේ කතා දෙකෙන් කෝක හරිද කියා නම් අප දන්නේ නැත.    රැස් වෙහෙර තියෙන්නෙ කුරුනෑගල දිස්ත්‍රික්කයට මායිම් වෙන්නයි. එබැවින් අව්කන සිට තව කිලෝ මීටර 16කට වැඩි දුරක් කුරුණෑගල පැත්තට ගොස් රැස් වෙහෙර වන්දනා කරන්න අපි පැකිලුනේ නැහැ. සාපේක්ෂව බලන කොට අව්කන ප්‍රදෙශාට වඩා රැස් වෙහෙර දුප්ප්පත් පලාතක්.බාගයක් දුර යන කොට බොරළු පාරෙනුත් යන්න සිදුඋනා. 

 මේ වෙහෙර ගල් ගුහා සංකීර්ණයකින් යුත් එකක්. වළගම්බා රජ්ජුරුවෝ සැඟවිලා සිටපු තැනක් කියලයි අපි ඇහැව්වේ. මේ රැස් වෙහෙරට යන අපේ කට්ටිය

දඹුල්ලේ ගුහා සිහිපත් කරමින් නුවර යුගයේ සිතුවම් කලාව ඔපවට් කරන පිළිම වහන්සේලා වැඩ සිටින ගුහා දෙකක් මෙ වෙහෙරේ තියෙනවා.

මාමා තමයි අපිට විහාරය ගැන විස්තර කියල දුන්නෙ.

මෙතන තියෙන ඇඳ රාජසිංහ රජුගේ සමයේ නිර්මානය කල එකක් 

මේ පැත්තක තියෙන කුඩා ගුහාවක ඇති දේවාලයක් 

මේ විහාරය  ඉදිරියෙන් ඇති ගල්කුල 

විහාරයට එළියෙන් තියෙන දේව රුප සහ ඒ සමග ඇති ලියවැල් පෙළ.

රැස් වෙහෙර පිළිම වහන්සේ 

වන්දනාවෙන් පසු විඩා නිවන යාලුවෝ 

රැස් වෙහෙරේ සිටින චෛත්‍ය  රාජයා. කාලය හරස්වුනු නිසා වෙහෙර ලඟට නම් ගියේ නැහැ.

අපි නාමල් උයන නැරඹීමු . 1. කොටස

කලින් පැවති කොමිටි මිටිමේදී තීරණය කර ගත් පරිදි විදුදය කඳුරට මිතුරන් විසින් 2015 පෙබරවාරි මස 17 වැනි දින එක් දින සංචාරයක් පැවැත්වුවා.මෙවර අප මිතුරන් කැකිරාවේ  නාමල් උයන නැරඹීම, අව්කන බුදු  පිළිම වන්දනාව සහ රැස් වෙහෙර වන්දනාව සංචාරයට  එකතු උනා.දිවා ආහාරය ගත්තේ කළාවැව වැව් බැම්ම මත දියි  

 සංචාරයේ විස්තර චායරුප මගින් විස්තර කරන එක වඩාත් ලේසියි. 

මේ උදැසන ආහාරය ගන්නා මිතුරන් රැසක්.අපි උදේ ආහාරය අප විසින්ම රැගෙන ආ යුතුය එකඟතාව උඩ එම ආහාර ගෙනාවත් එය වඩාත් උචිත ආකාරයෙන් ගැනීමට අවශ්‍ය පරිසරය සකසා දුන්නේ අපේ කඳුරට විදුදය මිතුරන් අතරින් දෙවනියට වැඩිම වයසැති අත්තනායක අයියා. එතුමා වරක් අධ්‍යාපන උප ඇමතිවරයෙක් වශයෙන්ද කටයුතු කළා.අත්තනායක අයියාගේ හදිසි මැදිහත්වීම උඩ  එතුමාගේ පුතාගේ නිල නිවසේදී  අපේ උදෑසන ආහාරය ගැනීමට  හැකි වුනා.එහෙදි ලැබුණු ඉඟුරු දාපු තේ එකේ  රසවත් බව  තවම මතකයි. පහල ෆොටෝ වලින් කියවෙන්නේ අප එම නිල නිවසේදී  උදැසන ආහාරය ගනිමින්  ගත කල සුන්දර හෝරාවයි.   

මෙතන ඉඳලා තියෙන්නේ අපේ නාමල් උයන සංචාරයේ චායාරුපයි.

නාමල් උයනේ පුංචි දිය දහරක්ද තියෙනවා 

මෙතන ඉන්නෙ නීතිඥ ඉලන්ගේ සොයුරා සහ ලේකම් මල්ලිකා.ඉලන්ගෙගේ ගම කැකිරාව නිසා මේ සංචාරය එයාට වැදගත් එකක් උනේ නැති උනත් එයා අපි වෙනුවෙන් අවශ්‍යය පහසුකම් සලසා දෙමින්  එදින දවසම අප සමගම ගතකලා.

ගමන ටිකක් අමාරු නිසා බොහෝ මිතුරන් නාමල් උයන කෙරවලටම ගියේ නැති උනත් ටික දෙනෙක් කන්දේ උඩටම නැග්ගා.පහල ෆොටෝ එකේ තියෙන්නේ නාමල් උයන කඳු මුදුන උඩ  තිබෙන විහාර කුටියේ වැඩ සිටින පිළිම වහන්සේ. 

මේ කඳු මුදුනට ගියාම ඈතින් පෙනන මනරම් දර්ශනයේ කොටසක් ඈතින් පෙනෙන්නේ නම් වැවක්.හැබැයි  ඒකෙ නම නම් දන්නෙ නැහැ.

මේ ලෝ පතල තිරුවානා නිධිය 

මේ නාමල් උයනේ තිබුන පුස් වැලක් 

ගමනේ යෙදෙන සගයෝ 

ගමනේ ඉතුරු කොටස තව post එකකින් ලියන්නම්.

විදුදය කඳුරට මිතුරන්ගේ ශෝකාකුල අවස්ථා 11

විදුදය කඳුරට මිතුරන් දෙදෙනෙක් 2014 වසරේදී තම ජිවන ගමන නිමා කළා. එක්කෙනෙක් සේනාරත්න සොයුරා. විද්‍යෝදය විශ්ව විද්‍යාලයේදී රාජ්‍ය පරිපාලන විෂය ධාරාව හැදෑරු සේනාරත්න මහජන බැංකුවේ  සේවය අරඹා  විශ්‍රාම ගත්තේ ශාඛා කළමනාකරුවෙකු ලෙසින්ය. විද්‍යොදය විශ්ව විද්‍යාලයේදී මුණ ගැසුණු අශෝකා සොයුරිය සමග විවාපත්වූ සේනාරත්න සොයුරාට පුතුන් දෙදෙනෙක් සිටිනවා.  

 සේනාරත්න සොයුරාට සිය දිවි මග නිමා කරන්නට සිදුවුයේ ඔහු   පිළිකා රෝගයට ගොදුරුවීම නිසාය. විදුදය කඳුරට මිතුරන් රැසක් අවමංගල්‍යයට සහභාගී උනා. එදින සුනිල් සොයුරාට සිය කැමරාව ගැන ඒමට අමතකවූ බැවින් එහි චායාරුප ගත්තේ සභාපති  සූරී සොහොයුරා විසින්ය. නමුත් තාක්ෂණික ගැටලුවක් නිසා ස්මාර්ට් ෆෝන් ඒකෙන් එම ෆොටෝ එලියට ආවේ නැත. 

( අප සියලුදෙනාම පාහේ තමන් විසින් මිලදී ගෙන හෝ විදෙස්ගතව  සිටින දු දරුවන්ගෙන් ත්‍යාග ලෙසින් ලබා ගෙන හෝ smart ෆෝන් පාවිච්චි කරතත් එම මෙවලම 100% ක්ම සාර්ථකව නොහසුරු වන්නෝ වෙති. එබැවින් මේ අඩුපාඩුව ගැන සූරීට පමණක්ම වගකීම පැවරිය නොහැකි යයි සිතමි.)    එබැවින් අදාළ පොටෝ ටික ලැබුණු විටෙක ඒවා පල කරන්නට ඉටා ගත් අප මින් ඉදිරියට විදුදය කඳුරට මිතුරන්ගේ වැඩ සටහනකට සහභාගී වනවිට සිය කැමරාවද රැගෙනම ආ යුතු  යයි සුනිල් සොයුරාට දන්වා සිටියා. 

   

ලලනි අබේගුණරත්න සොයුරිය විදුදය සරසවියේ අප සමග සිටියේ 1966 සිට 69 දක්වා කාලය තුලදීය. සරසවි දිවියෙන් පසු ඇය ටික කලක් රක්ෂණ සංස්ථාවේ සේවය කල අතර පසුව මහජන බැංකුවේ සේවයට එක්වුණා.  ඇය ඉන් විශ්‍රාම ගත්තේ නියෝජ්‍ය කලමනාකාරිනියක් ලෙසටය. 2014 11.27.දින ඇය මිය ගියේ පිළිකා රෝගය නිසාය. 

පහල සේයාරුවේ ඉන්නේ සිය දිවි ගමන අවසන් කල ලලනි සොයුරියයි. 

මෙි චායාරැපයේ ඉන්නේ ලලනි සොයුරියගේ දයාබර සැමියා සහ දියනියන් දෙදෙනා

අපි අපේ ශෝකය පල කිරීමට බැනර් එකක් එල්ලිමටද අමතක කලේ නැහැ.

ශෝකය පල කිරීමට ගිය විදුදය කඳුරට මිතුරන්ගෙන් කොටසක් 

මෙතන ඉන්නේ ලලනිගේ මල්ලී

විදුදය කඳුරට මිතුරන්ගේ ශෝකාකුල අවස්ථා.

ගතවූ 2014 වසරේ මතකයන්  දෙස නැවත හැරී බලන විට අප සංගමයේ සතුටුදායක හමුවීම් මෙන්ම දුක්බර හමුවිම්ද තිබුනා. අද ලිපිය වෙන් වන්නේ එකී අවස්ථා වෙනුවෙන්ය. 
අපේ සංගමයේ සාමජිකයෙකුවූ නීතිඥ ගුණපාල ගුරුගේ   මහතාගේ එකම දියනියවූ  උදේශිකා  හර්ෂනී ගුරුගේ නාඔටුන්න මහත්මිය 2014 සැප්තැම්බර් මස 7 වන දින  හදිසියේ රෝගාතුරවී අකාලයේ මිය ගියා. අවමංගල්‍යය   පැවැත්වුයේ බොරැල්ලේ කනත්තෙදිය.  කොළඹ ජයරත්න  මල් ශාලාවේ තැන්පත් කර තිබු ඇයගේ දේහය පහතින් දැක්වේ. උදේෂිකා  මහත්මිය අවුරුදු 2ක පමණ  කුඩා පුතකුගේ  මවක්.  

සිරිත් පරිදි චයාරුප ගත්තේ මිතුරු සුනිල් දිසානායක සොයුරාගේ කැමරාවෙන්.

මෙතන සේයාරුවේ  ඉන්නේ නීතිඥ ගුණපාල සොයුරා  (මැද)  වම් පසින් ඉන්නේ දයාබර සැමියා.දකුණු පසින් ඉන්නේ 

මෙතන ඉන්නේ අවමංගල්‍යයට සහභාගී වීමට නුවර සිට කොළඹට ගිය විදුදය කඳුරට මිතුරෝ 

උදාවූ නව වසර සාමය සහ සතුට පිරි සුභ නව වසරක් වේවා,,,,,,,,,,,,

 උදාවූ 2015 නව වසර සාමය සහ සතුට පිරි සුභ  වසරක් වේවා,,,,,,,,,,,, 

2015 උදාවු නව වසර විදුදය කඳුරට මිතුරන්ගේ සංසදයේ සියලුම සාමාජිකයන්ට, ඔවුන්ගේ පවුල් වල සාමාජිකයන්ට සහ මේ බ්ලොග් අඩවිය බලන සියලු දෙනාට මෙන්ම සියලු ලෝ වැස්සන්ටම නිරෝගිභාවය, සාමය, සතුට, සහ සැනසිල්ල පිරි සුභ නව වසරක් වේවා යයි විදුදය කඳුරට මිතුරෝ ඉත සිතින් සුභ පතයි.